കൊച്ചി: പഞ്ചാബിലെ ചോഹലില്‍ 17 മുതല്‍ 30 വരെ നടക്കുന്ന സബ്ജൂനിയര്‍ ദേശീയ ഫുട്‌ബോള്‍ ചാംപ്യന്‍ഷിപ്പില്‍ (ഫൈനല്‍ റൗണ്ട്) പങ്കെടുക്കുന്ന കേരള ടീമിനെ മലപ്പുറത്തിന്റെ എം ഹേമന്ദ് നയിക്കും. പഞ്ചാബ്, ഗോവ, അസം, ഒഡിഷ എന്നിവര്‍ക്കൊപ്പം ഗ്രൂപ്പ് എയിലാണ് കേരളം. 19ന് കേരളം പഞ്ചാബിനെയും 21 ന് അസമിനേയും 23ന് ഗോവയേയും 25 ന് ഒഡിഷയേയും നേരിടും.
ഗോള്‍ കീപ്പര്‍മാര്‍- കെ അജ്മല്‍ (പാലക്കാട്), വി സിദ്ധാര്‍ഥ് (കാസര്‍കോട്), ടി ജയശങ്കര്‍ (കോഴിക്കോട്). പ്രതിരോധം- ജി അഭിജിത് (പാലക്കാട്), നന്ദുകൃഷ്ണ (മലപ്പുറം), എ.എസ് ആദര്‍ശ് (എറണാകുളം), മുഹമ്മദ് സഹീഫ് (മലപ്പുറം), പി.എം മൃദുല്‍ (തൃശ്ശൂര്‍), കെ നിഹാല്‍ (മലപ്പുറം). മധ്യനിര- കെ.എഫ് ഷിഫാസ്, പി.എ അഭിജിത് (തൃശൂര്‍), എം ഹേമന്ദ് (ക്യാപ്റ്റന്‍), ഷാനില്‍ ഷംനാസ് (പാലക്കാട്), ജി.എസ് അഖിലേഷ് (കൊല്ലം), പി.പി മുഹമ്മദ് റോഷല്‍ (കോഴിക്കോട്). മുന്നേറ്റം- അഭയ് ഷണ്മുഖം (പാലക്കാട്), നസീഫ് അന്‍വര്‍ (വയനാട്), ഷിഖില്‍ (മലപ്പുറം), ആദില്‍ അബ്ദുല്ല (കാസര്‍കോട്), അഭിന്‍ അനൂപ് (തിരുവനന്തപുരം). പരിശീലകന്‍- സി.എസ് മാമ്മന്‍ (ഇടുക്കി). മാനേജര്‍- സി.സി പയസ് (പാലക്കാട്).