കോട്ടയം: സോളാര്‍ കമ്മിഷന് വിശ്വാസ്യതയില്ലെന്ന് കെ.സി ജോസഫ് എം.എല്‍.എ . റിപ്പോര്‍ട്ട് ദുരുദ്ദേശ്യപരമാണ്. ഓരോ ദിവസം കഴിയുന്തോറും സോളാര്‍ റിപ്പോര്‍ട്ടിനുപിന്നിലെ കഥകള്‍ പുറത്തുവരികയാണ്. അഡ്വ. ഫെനി ബാലകൃഷ്ണന്റെ വെളിപ്പെടുത്തലുള്‍പ്പെടെ ഇതാണ് വ്യക്തമാക്കുന്നത്. വരുംദിവസങ്ങളില്‍ ഇതുസംബന്ധിച്ച കൂടുതല്‍ സത്യാവസ്ഥകള്‍ പുറത്തുവരും. നിയമനടപടി സംബന്ധിച്ച് നിയമവിദഗ്ധരുമായി ആലോചിക്കും. കമ്മിഷനെ വിമര്‍ശിക്കാന്‍ പാടില്ലെന്നില്ല. സോളാര്‍ കേസില്‍ സര്‍ക്കാരിനുണ്ടായ ഏക ബാധ്യത കമ്മിഷനെ വച്ചതാണ്. ആറു മാസത്തിനിടയില്‍ റിപ്പോര്‍ട്ട് സമര്‍പ്പിക്കാന്‍ പറഞ്ഞിട്ട് നാലു വര്‍ഷംകൊണ്ടാണ് അന്വേഷണം പൂര്‍ത്തിയാക്കിയതെന്നും അദ്ദേഹം പറഞ്ഞു.