വാഷിങ്ടണ്‍: ചൈനാ സന്ദര്‍ശനം കഴിഞ്ഞിട്ടും ട്രംപിനു ചൈനീസ് പ്രസിഡന്റ് ഷി ജിന്‍പിങിന്റെ പ്രശംസിച്ചു മതിയായില്ല. മാവോ സേതുങിനു ശേഷം ചൈന കണ്ട ഏറ്റവും കരുത്തനായ നേതാവാണ് ജിന്‍പിങെന്ന് ട്രംപ് പറഞ്ഞു. ചിലര്‍ ജിന്‍പിങിനെ മാവോയെക്കാള്‍ കരുത്തനെന്നു പറയുന്നതായി അദ്ദേഹം പറഞ്ഞു. ചൈനാ സന്ദര്‍ശനത്തിനു ശേഷം ഏഷ്യാ പസഫിക് ഉച്ചകോടിക്കിടയില്‍ പങ്കെടുക്കാന്‍ കഴിഞ്ഞ ദിവസം വിയറ്റ്‌നാമില്‍ എത്തിയപ്പോഴാണ് ട്രംപിന്റെ പ്രതികരണം.
ഉത്തരകൊറിയയിലെ ആണവ പ്രവര്‍ത്തനങ്ങള്‍ അവസാനിപ്പിക്കാന്‍ ചൈന പ്രതിജ്ഞാബന്ധമാണെന്ന് ജിന്‍പിങ് പറഞ്ഞതായും ഇതു സുപ്രധാന പ്രസ്താവനയാണെന്നും ട്രംപ് അഭിപ്രായപ്പെട്ടു.