മാഡ്രിഡ്: മോട്ടോജിപിയില്‍ ഹോണ്ട താരം മാര്‍ക് മാര്‍ക്വസിന് നാലാം ലോക കിരീടം. വലന്‍സിയയില്‍ നടന്ന മത്സരത്തില്‍ മൂന്നാം സ്ഥാനത്ത് ഫിനിഷ ്‌ചെയ്താണ് മാര്‍ക്വസ് കിരീടം നേടിയത്. അഞ്ചു വര്‍ഷത്തിനിടെയാണ് താരം നാല് കിരീടങ്ങള്‍ നേടിയത്. വലന്‍സിയയില്‍ ആദ്യ 11ന് ഉള്ളില്‍ ഫിനിഷ് ചെയ്താന്‍ കിരീടം നേടാന്‍ സാധിക്കുമായിരുന്ന മാര്‍ക്വസ് മികവോടെ മുന്നേറിയാണ് മൂന്നാം സ്ഥാനം സ്വന്തമാക്കിയത്. ആന്‍ഡ്രിയ ഡോവിസിയോസോയും കിരീടപോരാട്ടത്തിന് ഉണ്ടായിരുന്നെങ്കിലും മികവിലേക്കുയരാനായില്ല. മോട്ടോജിപിയില്‍ നാലു കിരീടങ്ങള്‍ നേടുന്ന ഏറ്റവും പ്രായം കുറഞ്ഞ താരമാണ് 24കാരനായ മാര്‍ക്വസ്.
മത്സരത്തില്‍ ഹോണ്ടയുടെ ഡാനി പെഡ്രോസ ജയം നേടി. യമഹയുടെ റൂക്കി യൊഹാന്‍ സാര്‍കോ രണ്ടാം സ്ഥാനത്തെത്തി.