പരപ്പനങ്ങാടി: ഉള്ളണം എ.എം.യു.പി സ്‌കൂള്‍ 1993 -94 അധ്യായന വര്‍ഷത്തിലെ ഏഴാം തരം ഉറുദു ക്ലാസിലെ പൂര്‍വ വിദ്യാര്‍ഥികള്‍ പാചക പുരയിലേക്ക് വിഭവ സമൃദ്ധമായ ഭക്ഷണം പാകം ചെയ്യുന്നതിന് വേണ്ടി വലിയ അരവ് ഗ്രൈന്‍ഡറും ,ചിരവ മെഷീനും നല്‍കി.
സേവനത്തില്‍ നിന്ന് വിരമിച്ച അന്നത്തെ ഉറുദു അധ്യാപകനായ ടി.അബ്ദുറഹ്മാന്‍ ഒളവട്ടൂര്‍ എച്ച്.എം. അബൂബക്കറിന് ഉപകരണങ്ങള്‍ സമര്‍പ്പിച്ചു. പി.ടി.എ പ്രസിഡന്റ് ഹാറൂണ്‍ അധ്യക്ഷനായി.
വിദേശത്തുള്ള പൂര്‍വവിദ്യാര്‍ഥികളുടെ സഹകരണത്തോടെയാണ് പദ്ധതി നടപ്പിലാക്കിയത്. മാനേജര്‍ വി.പി ഹസ്സന്‍ഹാജി,പൂര്‍വ വിദ്യാര്‍ഥികളായ അബ്ദുല്‍അസീസ് അമ്മാറമ്പത്ത്,എന്‍. മുഹമ്മദ് റിയാസ്,കെ. അഷ്‌റഫ്,എ.ടി അബ്ദുല്‍ ജലീല്‍,
വി.സി മുഹമ്മദ് ഫൈസല്‍,വി.പി ഇബ്രാഹിം,വി.പി അബ്ദുല്‍ മുനീര്‍ സംബന്ധിച്ചു.