വടകര: ഭരണപരാജയം മറക്കാന്‍ സി.പി.എമ്മുകാര്‍ രാഷ്ട്രീയ പ്രതിയോഗികളെ കള്ളക്കേസില്‍ കുടുക്കുകയാണെന്ന് മുന്‍മുഖ്യമന്ത്രി ഉമ്മന്‍ചാണ്ടി. വടകര താഴെ അങ്ങാടി കോണ്‍ഗ്രസ് ഓഫിസ് ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.
ഇത്തരം കുടില തന്ത്രങ്ങളൊക്കെ കോണ്‍ഗ്രസ് പല തവണ അതിജീവിച്ചതാണ്. പടയൊരുക്കം ജാഥയുടെ വന്‍വിജയത്തില്‍ സി.പി.എമ്മിന് വിറളി പൂണ്ടിരിക്കുകയാണ്. രാഷ്ട്രീയ ലക്ഷ്യത്തോടെ കോണ്‍ഗ്രസ് പ്രവര്‍ത്തകരെ നിര്‍ജീവരാക്കാന്‍ പിണറായിക്കും സി.പി.എമ്മിനും സാധിക്കില്ലെന്നും അദ്ദേഹം പറഞ്ഞു.
കെ.എം.പി ഹാരിസ് അധ്യക്ഷനായി. മുതിര്‍ന്ന കോണ്‍ഗ്രസ് പ്രവര്‍ത്തകരെ ഡി.സി.സി പ്രസിഡന്റ് ടി. സിദ്ദിഖ് ആദരിച്ചു. എം.കെ സദാനന്ദന്‍ പതാക ഉയര്‍ത്തി. വി.എം ചന്ദ്രന്‍, കെ.സി അബു, കോട്ടയില്‍ രാധാകൃഷ്ണന്‍, ഐ. മൂസ, കെ.പി സുബൈര്‍, വി.പി ദുല്‍ഖിഫില്‍, എം. അഭിജിത്ത്, കെ.എന്‍.എ അമീര്‍, ടി.വി സുധീര്‍ കുമാര്‍, രമ്യ ഹരിദാസ്, റിജേഷ് അരവിന്ദ്, ടി. കേളു, പുറന്തോടത്ത് സുകുമാരന്‍, പി.എസ് രഞ്ജിത് കുമാര്‍, സി. വത്സലന്‍, കൂടാളി അശോകന്‍, മീത്തല്‍ നാസര്‍, ഫൈസല്‍ തങ്ങള്‍ സംസാരിച്ചു. ടി.കെ രതീശന്‍ സ്വാഗതവും ടി.പി രാജീവന്‍ നന്ദിയും പറഞ്ഞു.