ഗൂഡല്ലൂര്‍: ആനക്കൂട്ടത്തിന് മുന്നില്‍പ്പെട്ട വിദ്യാര്‍ഥികള്‍ രക്ഷപ്പെട്ടത് തലനാരിഴക്ക്. കൊളപ്പള്ളി ടാനടി എസ്റ്റേറ്റിലാണ് സംഭവം.
കാട്ടാനക്കൂട്ടത്തെ കണ്ട കുട്ടികള്‍ ആനകളുടെ ഫോട്ടോയെടുക്കാന്‍ ശ്രമം നടത്തുന്നതിനിടെ ആനകള്‍ ഇവര്‍ക്ക് നേരെ പാഞ്ഞടുക്കുകയായിരുന്നു. ആനകളുടെ വരവ് കണ്ട് കുട്ടികള്‍ നിലവിളിച്ച് കൊണ്ട് ഓടുകയായിരുന്നു. ശബ്ദംകേട്ട് നാട്ടുകാരെത്തുകയും കുട്ടികളെ രക്ഷിക്കുകയുമായിരുന്നു. വിവരമറിഞ്ഞ് വനപാലകര്‍ സ്ഥലത്തെത്തി. പിന്നീട് ആനകളെ വനത്തിനുള്ളിലേക്ക് തുരത്തി.