തിരുവനന്തപുരം: കൊച്ചിയില്‍ നിന്ന് വിമാനമാര്‍ഗം തിരുവനന്തപുരത്തെത്തിയ മന്ത്രി തോമസ് ചാണ്ടിയെ യൂത്ത് കോണ്‍ഗ്രസ് പ്രവര്‍ത്തകര്‍ കരിങ്കൊടി കാണിച്ചു.
രാത്രി വൈകി ഔദ്യോഗിക വസതിയിലേക്ക് പോകുന്നതിനിടെ അദ്ദേഹത്തിന്റെ വാഹനം പ്രവര്‍ത്തകര്‍ തടയാന്‍ ശ്രമിച്ചു. മസ്‌ക്കറ്റ് ഹോട്ടലിന് സമീപം വച്ചായിരുന്നു പ്രതിഷേധം.
മന്ത്രിക്കെതിരേ പ്രതിഷേധം ഉയരുമെന്ന രഹസ്യ വിവരത്തിന്റെ അടിസ്ഥാനത്തില്‍ നഗരത്തില്‍ പൊലിസ് സുരക്ഷ ശക്തമാക്കിയിരുന്നു. പ്രതിഷേധവുമായി എത്തിയ യൂത്ത് കോണ്‍ഗ്രസ് പ്രവര്‍ത്തകരെ പൊലിസ് അറസ്റ്റ് ചെയ്തു നീക്കി. മന്ത്രിയുടെ വസതിക്ക് മുന്‍പില്‍ കനത്ത സുരക്ഷയാണ് പൊലിസ് ഏര്‍പ്പെടുത്തിയിരിക്കുന്നത്.