ന്യൂഡല്‍ഹി: തോമസ് ചാണ്ടി അടക്കം ഇടതു മന്ത്രിസഭയിലെ എല്ലാ അംഗങ്ങളും മാതൃകാപരമായ പ്രവര്‍ത്തനമാണ് നടത്തുന്നതെന്ന് മന്ത്രി മേഴ്‌സിക്കുട്ടിയമ്മ. മന്ത്രി ആയതിനു ശേഷം തോമസ് ചാണ്ടി എന്തെങ്കിലും കുറ്റംചെയ്തുവെന്ന് കരുതുന്നില്ലെന്നും അതിനു മുന്‍പ് ചെയ്ത പ്രശ്‌നങ്ങള്‍ ആണെന്നും അവര്‍ പറഞ്ഞു. കേരളാഹൗസില്‍ മാധ്യമപ്രവര്‍ത്തകരോടു സംസാരിക്കുകയായിരുന്നു മന്ത്രി. ആരോപണങ്ങളുമായി ബന്ധപ്പെട്ട് ഉചിതമായ തീരുമാനം എടുത്തിട്ടുണ്ട്. ആ തീരുമാനം തീര്‍ച്ചയായും നടപ്പാക്കുമെന്നും അവര്‍ പറഞ്ഞു.