മലപ്പുറം: ഇസ്‌ലാം വെളിച്ചമാണ് എന്ന പ്രമേയത്തില്‍ ഡിസംബര്‍ 21, 22.23 തിയതികളില്‍ പെരിന്തല്‍മണ്ണ സയ്യിദ് അബ്ദുറഹ്മാന്‍ ബാഫഖി തങ്ങള്‍ നഗറില്‍ നടക്കുന്ന സമസ്ത കേരള ജംഇയ്യത്തുല്‍ മുഅല്ലിമീന്‍ മലപ്പുറം ഈസ്റ്റ് ജില്ലാ സമ്മേളനത്തിന്റെ ഭാഗമായി 28ന് റെയ്ഞ്ച് കേന്ദ്രങ്ങളില്‍ 'കാള്‍ ടു കോണ്‍ഫറന്‍സ് ' നടക്കും.
ജില്ലയിലെ നിലമ്പൂര്‍, കാളികാവ്, പെരിന്തല്‍മണ്ണ, മഞ്ചേരി ,മലപ്പുറം, കൊളത്തൂര്‍, കൊണ്ടോട്ടി, എടവണ്ണപ്പാറ മേഖലകളിലെ 69 റെയ്ഞ്ചുകളിലെ തെരഞ്ഞെടുത്ത കേന്ദ്രങ്ങളിലാണ് കോണ്‍ഫറന്‍സ് നടക്കുന്നത്.
മുഅല്ലിമുകള്‍, മാനേജ്‌മെന്റ് ഭാരവാഹികള്‍, എസ്.വൈ.എസ്, എസ്.കെ.എസ്.എസ്.എഫ്, എസ്.എം.എഫ്, എസ്.കെ.എം.എം.എ ഭാരവാഹികള്‍ സംഗമത്തില്‍ പങ്കെടുക്കും.
സമ്മേളനഭാഗമായി പ്രമേയം ആസ്പദമാക്കി ജില്ലാതല പ്രസംഗ മത്സരം 26 ന് രാവിലെ പത്തിന് മലപ്പുറത്ത് നടക്കും. സുന്നി മഹലില്‍ ചേര്‍ന്ന യോഗത്തില്‍ പി ഹസ്സന്‍ മുസ്‌ലിയാര്‍, കെ.ടി ഹുസൈന്‍ കുട്ടി മുസ്‌ലിയാര്‍, ശമീര്‍ ഫൈസി ഒടമല, സ്വാദിഖ് ഫൈസി, മുഹമ്മദലി മുസ്‌ലിയാര്‍, ശൗക്കത്ത് അസ്‌ലമി സംസാരിച്ചു.