മലപ്പുറം: കാന്‍സര്‍ ചികിത്സാ രംഗത്ത് മലബാറിന് ഏറെ ആശ്വാസം പകരുന്ന മലപ്പുറം കാന്‍സര്‍ സെന്റര്‍ ജില്ലക്ക് നഷ്ടമാകരുതെന്ന് ജില്ലാ എസ്.കെ.എസ്.എസ്.എഫ് കമ്മിറ്റി. സംസ്ഥാനത്ത് കൂടുതല്‍ കാന്‍സര്‍ രോഗികളുള്ളത് ജില്ലയിലാണ്.
രോഗികളില്‍ ഭൂരിഭാഗവും ആര്‍.സി.സിയെയാണ് ആശ്രയിക്കുന്നത്. യാത്രപ്രശ്‌നവും കൂടുതല്‍ സൗകര്യവും കണക്കിലെടുത്ത് ജില്ലയില്‍തന്നെ ചികിത്സാ കേന്ദ്രം സ്ഥാപിക്കുന്നതിലൂടെ അനേകം രോഗികള്‍ക്ക് ആശ്വാസം പകരാനാകും. മുഖ്യമന്ത്രി അധ്യക്ഷനായ ഭരണസമിതി ഇക്കാര്യത്തില്‍ അടിയന്തിര തീരുമാനം കൈക്കൊള്ളണമെന്നും യോഗം ആവശ്യപ്പെട്ടു. ജില്ലാ വൈസ് പ്രസിഡന്റ് പാണക്കാട് സയ്യിദ് ഹാഷിറലി ശിഹാബ് തങ്ങള്‍ അധ്യക്ഷനായി.
സയ്യിദ് നിയാസലി ശിഹാബ് തങ്ങള്‍, ജനറല്‍ സെക്രട്ടറി ശഹീര്‍ അന്‍വരി പുറങ്ങ്, ശമീര്‍ ഫൈസി ഒടമല, ഉമര്‍ ദാരിമി, യു.കെ.എം ബശീര്‍ മൗലവി, ശാഫി മാസ്റ്റര്‍ ആട്ടീരി, ഫാറൂഖ് കരിപ്പൂര്‍, നൗഷാദ് ചെട്ടിപ്പടി, ഹനീഫ മാസ്റ്റര്‍ അയ്യായ, ശമീര്‍ ഫൈസി പുത്തനങ്ങാടി, ഫാറൂഖ് ഫൈസി മണിമൂളി, മുഹമ്മദലി പുളിക്കല്‍, റാസി ബാഖവി, ജലീല്‍ ചാലില്‍കുണ്ട്, അഷ്‌റഫ് മലയില്‍, നൗഫല്‍ തിരൂര്‍, മുഹമ്മദ് ഫൈസി പാതാര്‍, സൈനുല്‍ ആബിദ് കരുവാരക്കുണ്ട് സംബന്ധിച്ചു.