വെങ്ങപ്പള്ളി: സ്വാതന്ത്ര്യദിനാഘോഷത്തിന്റെ ഭാഗമായി ശംസുല്‍ ഉലമാ ഇസ് ലാമിക് അക്കാദമി സ്റ്റുഡന്‍സ് അസോസിയേഷന്‍ (സിയാസ)ക്ക് കീഴില്‍ സ്വാതന്ത്ര്യദിന സെമിനാര്‍ സംഘടിപ്പിക്കും. സ്വതന്ത്ര ഇന്ത്യയിലെ സ്വാതന്ത്ര്യനിരാസം യുവതയുടെ നിലപാടും പ്രതിരോധവും എന്ന വിഷയത്തില്‍ രാവിലെ 10 മുതല്‍ അക്കാദമി ഓഡിറ്റോറിയത്തില്‍ നടക്കുന്ന സെമിനാര്‍ ജില്ലാ പഞ്ചായത്ത് വൈസ് പ്രസിഡന്റ് പി.കെ അസ്മത്ത് ഉദ്ഘാടനം ചെയ്യും. വിവിധ വിദ്യാര്‍ഥി വിഭാഗങ്ങളെ പ്രതിനിധീകരിച്ച് മുനീര്‍ മടക്കിമല (എം.എസ്.എഫ്), ഫെബിന്‍ വയനാട് (എസ്.എഫ്.ഐ), അജ്മല്‍ വയനാട്(കെ.എസ്.യു), ദീപു ബത്തേരി (എ.ബി.വി.പി), സുഹൈല്‍ വാഫി ചെന്നലോട്(എസ് .കെ.എസ്.എസ്.എഫ്) പങ്കെടുക്കും. എസ്.കെ.എസ്.എസ്.എഫ് സ്റ്റേറ്റ് കൗണ്‍സിലര്‍ നൗഫല്‍ മാസ്റ്റര്‍ വാകേരി മോഡറേറ്ററാകും.