പാനൂര്‍: ചെണ്ടയാട് മാവിലേരിയില്‍ എം.എസ്.എഫ് പ്രവര്‍ത്തകരേയും കുടുംബാംഗങ്ങളേയും വീട്ടില്‍ കയറി മര്‍ദിച്ചതായി പരാതി. മാവിലേരിയിലെ പോതിയാട്ടില്‍ റുവാസി (20), ഫെബിന്‍ (16) കുടുംബാംഗങ്ങളായ ശാഹിദ (50), സൗദ(40), ഇസ്മായില്‍ ഹാജി (60), അഷ്‌ക്കര്‍ (24) എന്നിവര്‍ക്കുമാണ് മര്‍ദനമേറ്റത്. സി.പി.എം പ്രവര്‍ത്തകരായ നദീര്‍ പിറ്റയുള്ളതില്‍, ശംശീര്‍ വരിയാങ്കണ്ടി, സഹദ് ചെക്കിയാട്, നിഹാല്‍ പോതിയാന്‍, ഷാജി പോതിയാന്‍, ഷൈനു മലയാളം വീട്ടില്‍ എന്നിവര്‍ വീട്ടില്‍ കയറി മര്‍ദ്ദിക്കുകയായിരുന്നവെന്ന് പരാതിയില്‍ പറയുന്നു. മര്‍ദനത്തില്‍ പരുക്കേറ്റവരേ കൂത്തുപറമ്പ് താലൂക്ക് ആശുപത്രിയില്‍ പ്രവേശിപ്പിച്ചു. പരുക്കേറ്റവരെ മുസ്‌ലിം ലീഗ് മണ്ഡലം പ്രസിഡന്റ് പൊട്ടങ്കണ്ടി അബ്ദുള്ള, വി. നാസര്‍, മുഹമ്മദ് കാട്ടൂര്‍, പി.പി.എ സലാം, പി.കെ ഷാഹുല്‍ ഹമീദ്, ടി.കെ ഹനീഫ് സന്ദര്‍ശിച്ചു.