കണ്ണൂര്‍: എസ്.കെ.എസ്.എസ്.എഫ് ജില്ലാ കമ്മിറ്റിയുടെ ആഭിമുഖ്യത്തില്‍ 19ന് കലക്ടറേറ്റ് മൈതാനിയില്‍ നടക്കുന്ന റബീഅ് കോണ്‍ഫറന്‍സ് പാണക്കാട് അബ്ബാസലി ശിഹാബ് തങ്ങള്‍ ഉദ്ഘാടനം ചെയ്യും.തിരുനബി കീര്‍ത്തനങ്ങളും മൗലീദ് പാരായണവും ഇസ്‌ലാമിക വിരുദ്ധമാണെന്ന് വ്യാപക പ്രചാരണം നടത്തുന്ന പുത്തന്‍ വാദികള്‍ക്കും പരിഷ്‌കരണവാദികള്‍ക്കുമുള്ള തിരുത്താണ് റബീഅ് കോണ്‍ഫറന്‍സ്. സ്ത്രീകള്‍ക്ക് പ്രത്യേക സ്ഥല സൗകര്യം ഏര്‍പ്പെടുത്തിയിട്ടുണ്ട്. പി.കെ.പി അബ്ദുസ്സലാം മുസ്‌ലിയാര്‍, പി.പി ഉമര്‍ മുസ്‌ലിയാര്‍, ടി.എസ് ഇബ്രാഹിം മുസ്‌ലിയാര്‍, കെ.കെ.പി അബ്ദുല്ല ഫൈസി, സത്താര്‍ പന്തല്ലൂര്‍, റഷീദ് ഫൈസി വെള്ളായിക്കോട് പങ്കെടുക്കും. മുസ്തഫ ഹുദവി ആക്കോട് റബീഅ് സന്ദേശ പ്രഭാഷണം നടത്തും. മാണിയൂര്‍ അഹ്മദ് മൗലവിയുടെ ദുആ മജ്‌ലിസും ഉണ്ടായിരിക്കും. അവലോകന യോഗത്തില്‍ ബഷീര്‍ ഫൈസി മാണിയൂര്‍, ബഷീര്‍ അസ്അദി നമ്പ്രം, അബ്ദുല്‍ ജലീല്‍ ഹസനി കുപ്പം, ജുനൈദ് ചാലാട്, അബൂബക്കര്‍ യമാനി, അസ്‌ലം പടപ്പേങ്ങാട്, ഷബീര്‍ പുഞ്ചക്കാട്, സുറൂര്‍ പാപ്പിനിശ്ശേരി, മുനീര്‍ കുന്നത്ത്, ഇഖ്ബാല്‍ മുട്ടില്‍ സംബന്ധിച്ചു.