കാട്ടാക്കട: പതിനാലുകാരിയെ പീഡിപ്പിച്ച ശേഷം ഒളിവിലായിരുന്ന രണ്ടാനച്ഛനെ ഗുജറാത്തില്‍ നിന്നും പൊലിസ് പിടികൂടി. മലപ്പുറം നിലമ്പൂര്‍ ടി.കെ കോളനിയില്‍ പൂക്കോട്ടം പറമ്പില്‍ ഫെനിലിനെ (36)യാണ് പൊലിസ് അറസ്റ്റ് ചെയ്തത്. രണ്ടായിരത്തി പതിനാറു മെയ് ഇരുപത്തി അഞ്ചിനാണ് സംഭവം.പ്രതിയുടെ അയല്‍വാസിയായിരുന്ന പെണ്‍കുട്ടിയുടെ അമ്മയും പ്രതിയും പരിചയത്തിലാകുകയും ഒളിച്ചോടി വിവാഹം കഴിക്കുകയും പോണ്ടിച്ചേരിയില്‍ എത്തി ഭാര്യ ഭര്‍ത്താക്കന്മാരായി ജീവിക്കുകയും ചെയ്തിരുന്നു. അതിനുശേഷം ശേഷം ഇവര്‍ നെയ്യാര്‍ ഡാം ഇടാവച്ചലില്‍ എത്തി വാടകയ്ക്ക് താമസിക്കുന്നതിനിടയില്‍ ഇവര്‍ തമ്മില്‍ കലഹിക്കുകയും രണ്ടായിരത്തി പതിനാറു മെയ് ഇരുപത്തി അഞ്ചിനു പെണ്‍കുട്ടി ഉറങ്ങി കിടന്ന സമയം പീഡിപ്പിക്കുകയും ചെയ്തു എന്ന് മാതാവ് മലപ്പുറം പൂക്കോട്ടുപാടം സ്റ്റേഷനില്‍ പരാതി നല്‍കി. അന്വേഷണത്തില്‍ ഇയാള്‍ ബറോഡയില്‍ ഉള്ളതായിവിവരം ലഭിച്ചതിന്റെ അടിസ്ഥാനത്തില്‍ ക്രിമിനലുകള്‍ താമസിക്കുന്ന താക്കൂര്‍ കോളനിയില്‍ നിന്നും ഇക്കഴിഞ്ഞ പന്ത്രണ്ടാം തീയതി പ്രതിയെ അറസ്റ്റ് ചെയ്യുകയായിരുന്നു.കാട്ടാക്കട കോടതിയില്‍ ഹാജരാക്കിയ പ്രതിയെ റിമാണ്ട് ചെയ്തു. എ .എസ്.ഐ ഹെന്റെഴ്‌സന്‍,സി പി ഒ മാരായ ഷിബു,അനില്‍ എന്നിവരും അന്വേഷണ സംഘത്തില്‍ ഉണ്ടായിരുന്നു.