പാലക്കാട്: ജില്ലയിലെ പ്രമുഖ സിയാറത്ത് കേന്ദ്രമായ നാട്ടുകല്‍ മഖാമില്‍ അന്ത്യവിശ്രമം കൊള്ളുന്ന വലിയ്യിന്റെ പേരില്‍ വര്‍ഷം തോറും നടത്തി വരുന്ന മഖാം ഉറൂസിന് ഇന്ന് രാവിലെ ഒന്‍പതു മണിക്ക് സമസ്ത കേരള ജംഇയ്യത്തുല്‍ മുഅല്ലിമീന്‍ കേന്ദ്ര കൗണ്‍സില്‍ പ്രസിഡന്റ് അല്‍ഹാജ് സി.കെ എം സാദിഖ് മുസ്‌ലിയാരുടെ നേതൃത്വത്തില്‍ മഖാം സിയാറത്തോടെ തുടക്കമാവും. ഖാസി. പി മുഹമ്മദ് കുട്ടി മുസ്‌ലിയാര്‍ പതാക ഉയര്‍ത്തും. വൈകുന്നേരം 7.30ന് മതപ്രഭാഷണം പാണക്കാട് സയ്യിദ് അബ്ബാസലി ശിഹാബ് തങ്ങള്‍ ഉദ്ഘാടനം ചെയ്യും. മുസ്തഫ ഹുദവി ആക്കോട് പ്രഭാഷണം നടത്തും. വ്യാഴാഴ്ച മഅ്മൂന്‍ ഹുദവി വണ്ടൂരും വെള്ളിയാഴ്ച ഇബ്രാഹീം ഖലീല്‍ ഹുദവി കാസര്‍കോടും പ്രഭാഷണം നടത്തും. ശനിയാഴ്ച ഉച്ചക്ക് രണ്ടിന് വാഫി കുടുംബ സംഗമവും നാലു മണിക്ക് വാഫി പൂര്‍വവിദ്യാര്‍ഥി മീറ്റും നടക്കും. വൈകിട്ട് ഏഴിന് ഹുസൈന്‍ അന്‍വരി ചങ്ങലീരി മജ്‌ലിസുന്നൂറിന് നേതൃത്വം നല്‍കും. സമസ്ത കേരള ജംഇയ്യത്തുല്‍ ഉലമാ സെക്രട്ടറി എം.ടി അബദുല്ല മുസ്‌ലിയാര്‍ പ്രാര്‍ഥന നടത്തും. രാത്രി ഒന്‍പതു മണിക്ക് നടക്കുന്ന ദിക്‌റ് ദുആ മജ്‌ലിസ് പാണക്കാട് സയ്യിദ് അബ്ദുല്‍ നാസര്‍ ഹയ്യ് ശിഹാബ് തങ്ങള്‍ ഉദ്ഘാടനം ചെയ്യും. ഏലംകുളം ബാപ്പു മുസ്‌ലിയാര്‍ ദിക്‌റ് ദുആ മജ്‌ലിസിന് നേതൃത്വം നല്‍കും. ഞായറാഴ്ച രാവിലെ 9.30ന് സി.പി മുഹമ്മദ് മുസ്‌ലിയാര്‍ മൗലിദ് പാരായണവും സി.കെ മൊയ്തുട്ടി മുസ്‌ലിയാര്‍ ഖത്മ് ദുആയും നിര്‍വഹിക്കും. തുടര്‍ന്ന് അന്നദാനത്തോടെ ഉറൂസ് സമാപിക്കും.
സ്വാഗത സംഘം യോഗത്തില്‍ ചെയര്‍മാന്‍ പി. മുഹമ്മദ് കുട്ടി മുസ്‌ലിയാര്‍, മഹല്ല് പ്രസിഡന്റ് സി.പി അലവി മാസ്റ്റര്‍, സെക്രട്ടറി സി. അബൂബക്കര്‍ മാസ്റ്റര്‍, ട്രഷറര്‍. കെ.പി സെയ്ത്, കണ്‍വീനര്‍ കെ. ഹംസ മാസ്റ്റര്‍, എന്‍. സൈതലവി, കെ. ഹംസ കുഞ്ഞാലന്‍, കെ.പി കുഞ്ഞഹമ്മത് സംബന്ധിച്ചു.