കാക്കനാട്: ലോക സി.ഒ.പി.ഡി (ക്രോണിക് ഒബ്‌സ്ട്രക്ടീവ് പള്‍മനറി ഡിസീസ്) ദിനത്തോട് അനുബന്ധിച്ച് കാക്കനാട് സണ്‍റൈസ് ആശുപത്രിയില്‍ സി.ഒ.പി.ഡി ദിനാചരണവും ബോധവത്കരണ ക്ലാസും സൗജന്യ ശ്വാസകോശ നിര്‍ണയ ക്യാമ്പും സംഘടിപ്പിച്ചു.
ആശുപത്രിയില്‍ നടന്ന ബോധവത്കരണ ക്ലാസില്‍ പുകവലിയുടെ ദൂഷ്യവശങ്ങളെക്കുറിച്ച് കണ്‍സള്‍ട്ടന്റ് പള്‍മനോളജിസ്റ്റ് ഡോ. വിനീത് അലക്‌സാണ്ടറും സി.ഒ.പി.ഡിയെക്കുറിച്ച് കണ്‍സള്‍ട്ടന്റ് പള്‍മനോളജിസ്റ്റ് ഡോ. അസീസ് കെ.എസും ശ്വാസകോശ അര്‍ബുദത്തെക്കുറിച്ച് കണ്‍സള്‍ട്ടന്റ് ഓന്‍കോളജിസ്റ്റ് മാത്യൂസ് ജോസും സംസാരിച്ചു.
തുടര്‍ന്ന് നടന്ന സിഗ്‌നേച്ചര്‍ ക്യാംപയിന്‍ അസിസ്റ്റന്റ് കമ്മിഷണര്‍ (കണ്‍ട്രോള്‍ റും) സുരേഷ്‌കുമാര്‍ ഉദ്ഘാടനം ചെയ്തു. തൃക്കാക്കര മുനിസിപ്പാലിറ്റി സ്റ്റാന്റിങ് കമ്മിറ്റി അംഗം ഷബ്‌ന മെഹറലി, നെസ്റ്റ് ഇ.എച്ച്.എസ് മാനേജര്‍ ദിലീപ് കുമാര്‍, സണ്‍റൈസ് ആശുപത്രി ചെയര്‍മാന്‍ ഡോ.ഹഫീസ് റഹ്മാന്‍, മാനേജിങ് ഡയറക്ടര്‍ പര്‍വീന്‍ ഹഫീസ്, മെഡിക്കല്‍ ഡയറക്ടര്‍ കെ.ആര്‍ പ്രതാപ് കുമാര്‍, ജനറല്‍ മാനേജര്‍മാരായ മുഹമ്മദ് റിയാസ്, പൂജ അജിത്ത് എന്നിവര്‍ പങ്കെടുത്തു.