പറവൂര്‍: കേസരി കോളജ് സര്‍ക്കാര്‍ ഏറ്റെടുത്ത് അടുത്ത അധ്യയനവര്‍ഷം മുതല്‍ പ്രവര്‍ത്തനമാരംഭിക്കണമെന്ന് സി.പി.എം ഏരിയ കമ്മിറ്റി ആവശ്യപ്പെട്ടു.
1970ല്‍ പാരലല്‍ കോളജായി പ്രവര്‍ത്തനമാരംഭിച്ച കേസരി ബാലകൃഷ്ണപിള്ള മെമ്മോറിയല്‍ കോളേജ് 2002 മുതല്‍ എം.ജി സര്‍വകലാശാലയില്‍ അഫിലിയേറ്റ് ചെയ്ത് സ്വാശ്രയ ആര്‍ട്ട്‌സ് ആന്‍ഡ് സയന്‍സ് കോളേജായി പ്രവര്‍ത്തിച്ച് വരികയാണ്.
നിലവിലുള്ള കോളജ് സര്‍ക്കാര്‍ ഏറ്റെടുത്ത് ഉചിതമായ നടപടികള്‍ സ്വീകരിക്കുമെന്ന മുഖ്യമന്ത്രിയുടെ പ്രഖ്യാപനം നടപ്പാക്കണമെന്നും പറവൂര്‍ ഏരിയ സെക്രട്ടറി ടി.ജി അശോകന്‍ പ്രസ്താവനയില്‍ പറഞ്ഞു.