പൂച്ചാക്കല്‍: മാക്കേകടവ് -നേരേകടവ് പാലത്തിന്റെ അപ്രോച്ച് റോഡിനു വേണ്ടിയുള്ള സ്ഥലമെടുപ്പ് നടപടികള്‍ വേഗത്തിലാക്കണമെന്ന് സി.പി.ഐ തൈക്കാട്ടുശ്ശേരി ലോക്കല്‍ സമ്മേളനം ആവശ്യപ്പെട്ടു.
സമ്മേളനത്തോടനുബന്ധിച്ച് നടന്ന പൊതുസമ്മേളനം ആര്‍.ശശി ഉദ്ഘാടനം ചെയ്തു.കെ.എസ് രാജേന്ദ്രന്‍ അധ്യക്ഷനായി. അഡ്വ.എം.കെ ഉത്തമന്‍ ,അഡ്വ.ഡി.സുരേഷ് ബാബു, കെ.കെ പ്രഭാകരന്‍, മേനക ബാലകൃഷ്ണന്‍, സി ചെല്ലപ്പന്‍, കെ.ജെ സജീവ്, ഡി.അനില്‍ ,പി.എസ് രത്‌നാകരന്‍, അമ്പിളി തിലകന്‍, വി.ടി മോഹനന്‍ തുടങ്ങിയവര്‍ സംസാരിച്ചു.
പ്രതിനിധി സമ്മേളനം ജില്ലാ സെക്രട്ടറി ടി.ജെ ആഞ്ചലോസ് ഉദ്ഘാടനം ചെയ്തു.വി.ഗോപാലന്‍ പതാക ഉയര്‍ത്തി. യു.പി ശശിധരന്‍, അമ്പിളി തിലകന്‍ എന്നിവര്‍ പ്രസീഡിയം നിയന്ത്രിച്ചു.പി.എ ഫൈസല്‍ രക്തസാക്ഷി പ്രമേയവും, ഡി.സുനില്‍ അനുശോചന പ്രമേയവും അവതരിപ്പിച്ചു.കെ.എസ്് രാജേഷ് സ്വാഗതവും, പി.എ പത്മലോചനന്‍ നന്ദിയും പറഞ്ഞു.പി.എസ് രത്‌നാകരനെ സെക്രട്ടറിയായി തെരഞ്ഞെടുത്തു.