തിരൂര്‍: റവന്യൂ ജില്ലാ സ്‌കൂള്‍ ശാസ്‌ത്രോത്സവം ഇന്ന് സമാപിക്കും. സമാപന ദിനത്തില്‍ ബി.പി അങ്ങാടി ജി.ജി.വി.എച്ച്.എസ്.എസില്‍ എച്ച്.എസ്, എച്ച്.എസ്.എസ് വിഭാഗം സ്റ്റില്‍ മോഡല്‍, വര്‍ക്കിങ് മോഡല്‍, ലോക്കല്‍ ഹിസ്റ്ററി വൈവ മത്സരങ്ങള്‍ നടക്കും. എല്ലാ വിഭാഗം ടീച്ചിങ് എയ്ഡ് മത്സരങ്ങള്‍ക്കും തിരൂര്‍ ഡയറ്റ് വേദിയാകും. എച്ച്.എസ്, എച്ച്.എസ്.എസ് വെബ് ഡിസൈനിങ് മത്സരവും ജി.ബി.എച്ച്.എസ്.എസില്‍ എല്‍.പി, യു.പി വിഭാഗം പ്രവൃത്തി പരിചയമേളയും വൊക്കേഷണല്‍ എക്‌സ്‌പോയും നടക്കും. വൈകിട്ട് നാലിന് സമാപന സമ്മേളനം ഇ.ടി മുഹമ്മദ് ബഷീര്‍ ഉദ്ഘാടനം ചെയ്യും. വി അബ്ദുറഹ്മാന്‍ എം.എല്‍.എ സമ്മാനദാനം നിര്‍വഹിക്കും.