കോഴിക്കോട്: സ്വാതന്ത്ര്യ ദിനത്തോടനുബന്ധിച്ച് എസ്.കെ.എസ്.എസ്.എഫ് റൈറ്റേഴ്‌സ് ഫോറം സംസ്ഥാനതലത്തില്‍ കോളജ് വിദ്യാര്‍ഥികള്‍ക്കായി നടത്തിയ പ്രബന്ധരചനാ മത്സരത്തില്‍ ഒ.എം അബ്ദുല്‍ ലത്തീഫ് പാലത്തുംകരയ്ക്ക് ഒന്നാം സ്ഥാനം.
ദാറുല്‍ ഹുദാ ഇസ്‌ലാമിക് യൂനിവേഴ്‌സിറ്റി വിദ്യാര്‍ഥിയാണ് അബ്ദുല്‍ ലത്തീഫ് .'മതേതര ഇന്ത്യ; ആശങ്കകള്‍, പ്രതീക്ഷകള്‍' എന്ന വിഷയത്തിലായിരുന്നു മത്സരം.
തൃശൂര്‍ ചാമക്കാല നഹ്ജുറശാദ് ഇസ്‌ലാമിക് കോളജ് വിദ്യാര്‍ഥി മുഹമ്മദ് റാഫി മൂവാറ്റുപുഴ രണ്ടാം സ്ഥാനവും പെരുവളളൂര്‍ കുമ്മിണിപ്പറമ്പ് തന്‍വീര്‍ ഇസ്‌ലാമിക് ആന്‍ഡ് ആര്‍ട്‌സ് കോളജ് വിദ്യാര്‍ഥി കെ.കെ മുഹമ്മദ് റാഷിദ് മൂന്നാം സ്ഥാനവും കരസ്ഥമാക്കി.