പാനൂര്‍: പാലക്കൂലില്‍ സംഘര്‍ഷത്തിന് അയവ്. അക്രമങ്ങളില്‍ 10 കേസുകള്‍ രജിസ്റ്റര്‍ ചെയ്തു. സി.പി.എം-ബി.ജെ.പി സംഘര്‍ഷം തുടരുന്ന പാലക്കൂല്‍, രാമന്‍ പീടിക, കണ്ണന്‍ പീടിക പ്രദേശങ്ങളില്‍ സംഘര്‍ഷത്തിന് അയവുണ്ടായെങ്കിലും എലാങ്കോട് മേഖലയില്‍ സംഘര്‍ഷം തുടരുകയാണ്. ആറു സി.പി.എം പ്രവര്‍ത്തകരുടെ പരാതിയിലും നാലു ബി.ജെ.പി പ്രവര്‍ത്തകരുടെ പരാതിയിലും 10 കേസുകള്‍ രജിസ്റ്റര്‍ ചെയ്തിട്ടുണ്ട്. പ്രദേശങ്ങളില്‍ ആയുധങ്ങള്‍ക്കും പ്രതികള്‍ക്കുമായി തലശ്ശേരി ഡിവൈ.എസ്.പി പ്രിന്‍സ് എബ്രഹാമിന്റെ നേതൃത്വത്തില്‍ റെയ്ഡ് നടത്തി. സംഘര്‍ഷം നടന്ന പ്രദേശങ്ങള്‍ ഐ.ജി മഹിപാല്‍ യാദവ്, എസ്.പി ജി. ശിവവിക്രം എന്നിവര്‍ സന്ദര്‍ശിച്ചു.