നെയ്യാറ്റിന്‍കര: രേഖകളില്ലാതെ ബസില്‍ കടത്തിയ 780 ഗ്രാം സ്വര്‍ണം അമരവിള ചെക്ക് പോസ്റ്റില്‍ വച്ച് പിടികൂടി.
നാഗര്‍കോവിലില്‍ നിന്ന് തിരുവനന്തപുരത്തേക്ക് വരികയായിരുന്ന കെ.എസ്.ആര്‍.ടി.സി ബസില്‍ നിന്നുമാണ് സ്വര്‍ണം പിടികൂടിയത്. രാജസ്ഥാന്‍ സ്വദേശി താരാചന്ദ്രനാണ് സ്വര്‍ണവുമായി പിടിയിലായത്. ഇന്നലെ വൈകിട്ട് മൂന്നോടുകൂടിയായിരുന്നു സംഭവം. ചെക്ക് പോസ്റ്റ് സി.ഐ സുഭാഷ്ചന്ദ്രന്റെ നേതൃത്വത്തില്‍ എക്‌സൈസ് ഇന്‍സ്‌പെക്ടര്‍ സുനില്‍കുമാര്‍, പ്രിവന്റീവ് ഓഫിസര്‍മാരായ വേണുനായര്‍, ബിനുതാജുദ്ദീന്‍, സിവില്‍ എക്‌സൈസ് ഓഫിസര്‍മാരായ പ്രിന്‍സ്, ജിനേഷ്, സുര്‍ജിത്ത് എന്നിവരടങ്ങിയ സംഘമാണ് സ്വര്‍ണം പിടികൂടിയത്.