ന്യൂഡല്‍ഹി: റാഫേല്‍ വിമാന ഇടപാടുമായി ബന്ധപ്പെട്ട് പ്രധാനമന്ത്രി മോദിയോട് ചോദ്യങ്ങള്‍ ചോദിക്കാത്തതെന്തെന്ന് കോണ്‍ഗ്രസ് ഉപാധ്യക്ഷന്‍ രാഹുല്‍ ഗാന്ധി. തന്നോട് നിരന്തരം ചോദ്യങ്ങള്‍ ചോദിച്ചുകൊണ്ടേയിരിക്കുകയാണ്. എന്നാല്‍ വിമാന ഇടപാടിനെ കുറിച്ചോ അമിത് ഷായുടെ മകന്റെ അഴിമതികളെ കുറിച്ചോ പ്രധാനമന്ത്രിയോട് മാധ്യമങ്ങള്‍ ചോദിക്കാത്തത് എന്തുകൊണ്ടാണെന്ന് രാഹുല്‍ ചോദിച്ചു. ഗുജറാത്ത് തെരഞ്ഞെടുപ്പ് പ്രചാരണത്തിനിടെ ഓള്‍ ഇന്ത്യ ഓര്‍ഗനൈസ്ഡ് വര്‍ക്കേഴ്‌സ് കോണ്‍ഗ്രസിന്റെ രൂപീകരണ യോഗത്തില്‍ പങ്കെടുത്ത ശേഷം മാധ്യമങ്ങളോട് സംസാരിക്കുകയായിരുന്നു രാഹുല്‍ ഗാന്ധി.ഒരു ബിസിനസുകാരന് ലാഭമുണ്ടാക്കാന്‍ വേണ്ടി മാത്രം മുഴുവന്‍ കരാറും മാറ്റി വയ്ക്കുകയാണ് മോദി ചെയ്തതെന്ന് റിലയന്‍സ് ഗ്രൂപ്പിനെതിരേ പരോക്ഷ ആരോപണവും രാഹുല്‍ ഉന്നയിച്ചു.