ഗാന്ധിനഗര്‍: ഗുജറാത്ത് തെരഞ്ഞെടുപ്പില്‍ മത്സരിക്കുന്ന ആം ആദ്മി പാര്‍ട്ടിയുടെ രണ്ടാം ഘട്ട സ്ഥാനാര്‍ഥി പട്ടിക പുറത്തിറക്കി. 20 സീറ്റുകളിലാണ് എ.എ.പി മത്സരിക്കുന്നത്. ആദ്യഘട്ടത്തില്‍ 11 സ്ഥാനാര്‍ഥികളുടെ പട്ടികയാണ് പുറത്തിറക്കിയത്. ഇന്നലെ ഒന്‍പത് പേരുടെ പട്ടിക പുറത്തിറക്കി.
ഗാന്ധിനഗര്‍(നോര്‍ത്ത്), ബോട്ടോഡ, കതര്‍ഗാം, രാജ്‌കോട്ട്(ഈസ്റ്റ്), കരഞ്ജ്, പാലന്‍പൂര്‍, ഗാന്ധിധാം, ജാംനഗര്‍ റൂറല്‍, സൂറത്ത് ഈസ്റ്റ് എന്നിവിടങ്ങളിലെ സ്ഥാനാര്‍ഥി പട്ടികയാണ് ഇന്നലെ പുറത്തിറക്കിയത്. ഈ സീറ്റുകളില്‍ രാജ്‌കോട്ട് ഈസ്റ്റ്, പാലന്‍പൂര്‍, ജാംനഗര്‍ റൂറല്‍ മണ്ഡലങ്ങള്‍ നിലവില്‍ കോണ്‍ഗ്രസിന്റെ കൈകളിലാണ്. മറ്റ് ആറെണ്ണം ബി.ജെ.പിയുടെയും സീറ്റുകളാണ്.