വാഷിങ്ടണ്‍: ഡൊണാള്‍ഡ് ട്രംപിന്റെ ഏഷ്യന്‍ സന്ദര്‍ശനം ലോകത്തെ നയിക്കാന്‍ അമേരിക്കക്ക് വീണ്ടും സാധ്യമാണെന്ന് തെളിയിച്ചതായി യു.എന്നിലെ യു.എസ് അംബാസഡര്‍ നിക്കി ഹാലെ പറഞ്ഞു. ഉത്തര കൊറിയ ഉയര്‍ത്തിയ സുരക്ഷാ ഭീഷണിയെ അഭിമുഖീകരിക്കാന്‍ ലോകരാജ്യങ്ങളെ ട്രംപിന്റെ സന്ദര്‍ശനം പ്രാപ്തരാക്കിയെന്നും നിക്കി പറഞ്ഞു. രണ്ടാഴ്ച നീണ്ട ട്രംപിന്റെ ഏഷ്യന്‍ സന്ദര്‍ശനത്തെ വിലയിരുത്തി സംസാരിക്കുകയായിരുന്നു അവര്‍.
ഉത്തര കൊറിയന്‍ ഭരണാധികാരി കിം ജോങ് ഉന്‍ ലോക രാജ്യങ്ങള്‍ക്കിടയില്‍ ഒറ്റപ്പെട്ടിരിക്കുന്നു. ട്രംപിന്റെ സന്ദര്‍ശനത്തോടെ ഇന്തോ പസഫിക് മേഖലയില്‍ സ്വതന്ത്ര്യവും സുതാര്യവുമായ സമീപനം കൈവന്നിരിക്കുകയാണ്.
അതിനാല്‍ സാമ്പത്തിക വാണിജ്യ ഗുണങ്ങള്‍ ഈ മേഖലയിലെ രാജ്യങ്ങള്‍ക്ക് ലഭിക്കുമെന്നും നിക്കി ഹാലെ കൂട്ടിച്ചേര്‍ത്തു.