കോഴിക്കോട്: മുജാഹിദ് സംസ്ഥാന സമ്മേളത്തിന്റെ ഭാഗമായുള്ള നവോഥാന സെമിനാറുകള്‍ക്കു തുടക്കമായി. കോഴിക്കോട്ട് നടന്ന സെമിനാര്‍ ചരിത്രകാരന്‍ ഡോ. എം.ജി.എസ് നാരായണന്‍ ഉദ്ഘാടനം ചെയ്തു. ടി.പി അബ്ദുല്ലക്കോയ മദനി അധ്യക്ഷനായി.
എം. മുഹമ്മദ് മദനി, പ്രൊഫ. എന്‍.വി അബ്ദുറഹ്മാന്‍, ആര്‍.എസ് പണിക്കര്‍, ഫാ. തോമസ് പനക്കല്‍, എന്‍.പി ചെക്കുട്ടി, നവാസ് പൂനൂര്‍, എ. സജീവന്‍, നിസാര്‍ ഒളവണ്ണ, ഡോ. എ.ഐ അബ്ദുല്‍ മജീദ് സ്വലാഹി, മുഹമ്മദ് സലീം സുല്ലമി, ബഷീര്‍ പട്ടേല്‍താഴം, എം.പി അബ്ദുസമദ് സുല്ലമി, ഡോ. പി.പി അബ്ദുല്‍ഹഖ്, കെ. മുഹമ്മദ് കമാല്‍ സംസാരിച്ചു.
കണ്ണൂര്‍, മലപ്പുറം, എറണാകുളം, തിരുവനന്തപുരം തുടങ്ങിയ കേന്ദ്രങ്ങളിലും സെമിനാറുകള്‍ സംഘടിപ്പിക്കും. 25നു തിരുവനന്തപുരത്ത് നടക്കുന്ന മാധ്യമ സെമിനാര്‍ മന്ത്രി കടകംപള്ളി സുരേന്ദ്രന്‍ ഉദ്ഘാടനം ചെയ്യും.

കരിപ്പൂരില്‍ 55 ലക്ഷത്തിന്റെ സ്വര്‍ണം പിടികൂടി

കൊണ്ടോട്ടി: യാത്രക്കാരന്‍ അടിവസ്ത്രത്തില്‍ ഒളിപ്പിച്ചു കടത്താന്‍ ശ്രമിച്ച 55 ലക്ഷം വിലവരുന്ന 1.818 കിലോഗ്രാം സ്വര്‍ണം കരിപ്പൂര്‍ വിമാനത്താവളത്തില്‍ പിടികൂടി. തൃശൂര്‍ വരവൂര്‍ പിലാക്കാട്ട് കൊട്ടപ്പുറത്ത് നജ്മുദ്ദീന്‍(28)എന്ന യാത്രക്കാരനില്‍ നിന്നാണ് സ്വര്‍ണം കണ്ടെടുത്തത്. ഇന്നലെ രാവിലെ എയര്‍ ഇന്ത്യ എക്‌സ്പ്രസിന്റെ ദുബൈ വിമാനത്തിലാണ് ഇയാള്‍ കരിപ്പൂരിലെത്തിയത്.