പള്ളുരുത്തി: മുണ്ടംവേലി ലേബേഴ്‌സ് റസിഡന്‍സ് അസോസിയേഷന്റെ ആഭിമുഖ്യത്തില്‍ ജനമൈത്രി പൊലീസും റെസിഡന്‍സ് അസോസിയേഷനും എന്ന വിഷയത്തെ ആസ്പദമാക്കി സംവാദം സംഘടിപ്പിച്ചു.
മുണ്ടംവേലി പാലക്കല്‍ മൈതാനിയില്‍ നടന്ന പരിപാടി മട്ടാഞ്ചേരി അസി. പൊലിസ് കമ്മീഷണര്‍ എസ്.വിജയന്‍ ഉദ്ഘാടനം ചെയ്തു. ആധുനിക കാലഘട്ടത്തില്‍ റസിഡന്‍സ് അസോസിയേഷനുകളുടെ പ്രസക്തി ഏറെ വലുതാണെന്ന് അദ്ദേഹം ഉദ്ഘാടന പ്രസംഗത്തില്‍ അഭിപ്രായപ്പെട്ടു.
റസിഡന്‍സ് അസോസിയേഷന്‍ പ്രസിഡന്റ് സി.എ ജേക്കബ്ബ് അധ്യക്ഷത വഹിച്ചു. പള്ളുരുത്തി സര്‍ക്കിള്‍ ഇന്‍സ്‌പെക്ടര്‍ കെ.ജി.അനീഷ്, തോപ്പുംപടി സബ് ഇന്‍സ്‌പെക്ടര്‍ സി.ബിനു ,എ.പി.ജബ്ബാര്‍, പി.എ.ഔസേപ്പ് , ബേണ ഡുറാന്റൊ, അഗസ്റ്റിന്‍ ജോസഫ്, പി.ജെ.ബോസ് എന്നിവര്‍ സംസാരിച്ചു.
പൊതു സമൂഹത്തില്‍ റെസിഡന്‍സ് അസോസിയേഷനുകളുടെ പങ്ക് എന്ന വിഷയത്തില്‍ നടന്ന ചര്‍ച്ച ഫെലിക്‌സ് ജെ പുല്ലൂടന്‍ ഉദ്ഘാടനം ചെയ്തു. റസിഡന്‍സ് അസോസിയേഷന്‍ വൈസ് പ്രസിഡന്റ് സന്തോഷ് ബ്രിണ്ടാനോ അധ്യക്ഷത വഹിച്ചു.