വാഷിങ്ടണ്‍: ഇന്ത്യക്കാരിയായ മൂന്നുവയസുകാരി ഷെറിന്‍ മാത്യൂസിന്റെ മരണവുമായി ബന്ധപ്പെട്ട് വളര്‍ത്തമ്മ സിനി മാത്യൂസ് അറസ്റ്റില്‍. കുട്ടിയെ അപായപ്പെടുത്തിയെന്ന കുറ്റമാരോപിച്ചാണ് റിച്ചാര്‍ഡ്‌സ്ണ്‍ പൊലിസ് സിനിയെ അറസ്റ്റു ചെയ്തത്. സംഭവവുമായി ബന്ധപ്പെട്ട് ഇവരുടെ ഭര്‍ത്താവ് വെസ്‌ലി മാത്യൂസിനെ കഴിഞ്ഞ മാസം പൊലിസ് അറസ്റ്റ് ചെയ്തിരുന്നു.
കൊലപാതകത്തിന്റെ തലേ ദിവസം ഷെറിനെ വീട്ടിലാക്കി സ്വന്തം കുട്ടിയുമായി ദമ്പതികള്‍ റസ്റ്റോറന്റില്‍ പോയതായി പൊലിസ് കണ്ടെത്തി. അപകടകരമായ സാഹചര്യത്തില്‍ കുട്ടിയെ തനിച്ചാക്കി പുറത്തുപോയി എന്നതാണ് സിനിക്കെതിരേയുള്ള കുറ്റം.