ജയ്പൂര്‍: രാജസ്ഥാനില്‍ കാളയുടെ കുത്തേറ്റ് വിദേശിയായ യുവാവ് കൊല്ലപ്പെട്ടു. അര്‍ജന്റീനന്‍ വംശജന്‍ ജോണ്‍ പാബ്ലോ (29)യാണ് കൊല്ലപ്പെട്ടത്. ജയ്പൂരിലെ ട്രിപ്പോളി ഗേറ്റില്‍ വച്ചായിരുന്നു സംഭവം. അതീവ ഗുരുതരാവസ്ഥയില്‍ യുവാവിനെ സമീപത്തെ സ്വകാര്യ ആശുപത്രിയില്‍ പ്രവേശിപ്പിച്ചെങ്കിലും ജീവന്‍ രക്ഷിക്കാനായില്ല.

വിനോദ സഞ്ചാരത്തിനായി ഇന്ത്യയിലെത്തിയ ജോണ്‍ പാബ്ലോയും സുഹൃത്തുക്കളും ഇന്ന് പകല്‍ ജയ്പൂര്‍ നഗരത്തിലൂടെ സഞ്ചരിക്കുന്നതിനിടെയായിരുന്നു കാളയുടെ ആക്രമണം. തെരുവില്‍ അലഞ്ഞുതിരിഞ്ഞ കാളയാണ് യുവാവിനു നേരെ ആക്രമമഴിച്ചുവിട്ടത്.