തൃശൂര്‍: ആധുനിക ഇന്ത്യയെ നിര്‍മിക്കുകയും നവീകരിക്കുകയും വികാസത്തിലേയ്ക്ക് നയിക്കുകയും ചെയ്ത ദീര്‍ഘദര്‍ശികളായ രാഷ്ട്ര ശില്‍പ്പികളുടെ ശ്രേണിയില്‍ ജ്വലിക്കുന്ന വ്യക്തിത്വമാണ് ഇന്ദിരാഗാന്ധിയെന്ന് മുസ്‌ലിംലീഗ് ദേശീയ സെക്രട്ടറി എം.പി അബ്ദുസമദ് സമദാനി. മുന്‍ പ്രധാനമന്ത്രി ഇന്ദിരാഗാന്ധിയുടെ ജന്മശതാബ്ദി വാര്‍ഷിക സമാപനത്തോടനുബന്ധിച്ച് കോണ്‍ഗ്രസ് ജില്ലാ കമ്മിറ്റി ഡി.സി.സി ഓഫിസില്‍ സംഘടിപ്പിച്ച അനുസ്മരണ സമ്മേളനം ഉദ്ഘാടനം ചെയ്യുകയായിരുന്നു അദ്ദേഹം.
ഡി.സി.സി പ്രസിഡന്റ് ടി.എന്‍ പ്രതാപന്‍ അധ്യക്ഷനായി. മുന്‍ മന്ത്രിമാരായ സി.എന്‍ ബാലകൃഷ്ണന്‍, കെ.പി വിശ്വനാഥന്‍, മുന്‍ സ്പീക്കര്‍ തേറമ്പില്‍ രാമകൃഷ്ണന്‍ എന്നിവര്‍ ചേര്‍ന്ന് ജന്മദിന കേക്ക് മുറിച്ചു. ഡി.സി.സി ജനറല്‍ സെക്രട്ടറി ജോസ് വള്ളൂര്‍, ജോസഫ് ചാലിശ്ശേരി, എം.പി ഭാസ്‌കരന്‍ നായര്‍, ഒ അബ്ദുറഹിമാന്‍കുട്ടി, ടി.വി ചന്ദ്രമോഹന്‍, എം.കെ പോള്‍സണ്‍, എം.പി വിന്‍സന്റ്, എന്‍.കെ സുധീര്‍, ജോസ് കാട്ടൂക്കാരന്‍, കെ രാധാകൃഷ്ണന്‍ സംസാരിച്ചു.