ആലുവ: സമസ്ത കേരള ജംഇയ്യത്തുല്‍ ഉലമ ജനറല്‍ സെക്രട്ടറി പ്രൊഫ. കെ. ആലിക്കുട്ടി മുസ്‌ലിയാര്‍ക്ക് ഇന്ന് കളമശേരിയില്‍ നല്‍കുന്ന പൗരസ്വീകരണത്തോടനുബന്ധിച്ചുള്ള വിളംബരജാഥക്ക് തുടക്കമായി.
ഇന്നലെ രാവിലെ തോട്ടുംമുഖം മഖാം സിയാറത്തിന് ശേഷം നടന്ന ചടങ്ങില്‍ സമസ്ത കേന്ദ്ര മുശാവറ അംഗം ഇ.എസ്. ഹസന്‍ ഫൈസി സമസ്തയുടെ പതാക എസ്.വൈ.എസ് കുന്നത്തുനാട് മണ്ഡലം ജനറല്‍ സെക്രട്ടറി സി.കെ. സിയാദ് ചെമ്പറക്കിക്ക് കൈമാറി വിളംബര ജാഥ ഉദ്ഘാടനം ചെയ്തു.
കെ.എം. ബഷീര്‍ ഫൈസി അധ്യക്ഷനായിരുന്നു. അഷ്‌റഫ് ഹുദവി, മുഹമ്മദ് സജീര്‍ ഫൈസി, നൗഫല്‍ കുട്ടമശ്ശേരി, വി.എം. ഹസന്‍, ജിന്നാസ് കുന്നത്തേരി, സാനിഫ് അലി, സുധീര്‍ കുന്നപ്പിള്ളി എന്നിവര്‍ പ്രസംഗിച്ചു.
ആലുവ, പെരുമ്പാവൂര്‍, കുന്നത്തുനാട്, കളമശ്ശേരി മണ്ഡലങ്ങളില്‍ ഇന്നലെ പര്യടനം നടത്തി. വിളംബര ജാഥ ഇന്ന് കളമശേരി, തൃപ്പൂണിത്തുറ, തൃക്കാക്കര മണ്ഡലങ്ങളില്‍ പര്യടനം നടത്തും.