തിരുവനന്തപുരം: തിരുവല്ലത്ത് ബൈക്കിലിടിച്ച് നിയന്ത്രണം വിട്ട കാര്‍ വെയിറ്റിംഗ് ഷെഡില്‍ ഇടിച്ചുകയറി ഒരാള്‍ മരിച്ചു.

പാറവിള സ്വദേശി ദേവേന്ദ്രനാണ് (40) മരിച്ചത്. ബസ് കാത്തിരുന്ന മറ്റ് നാലു പേര്‍ക്ക് പരുക്കേറ്റു. സാരമായി പരുക്കേറ്റ പാറവിള സ്വദേശികളായ മധു (51), ധര്‍മ്മരാജ് (50), പ്രസാദ് (34), പ്രദീപ് (30) എന്നിവരെ മെഡിക്കല്‍ കോളേജ് ആശുപത്രിയില്‍ പ്രവേശിപ്പിച്ചു. ഇതില്‍ ഒരാളുടെ നില ഗുരുതരമാണ്. അപകടത്തില്‍ കോണ്‍ക്രീറ്റ് ഷെഡ് പൂര്‍ണമായും തകര്‍ന്നിട്ടുണ്ട്.