പത്തനംതിട്ട: ആരോഗ്യമന്ത്രി കെ.കെ ഷൈലജയ്‌ക്കൊപ്പം ശബരിമലയിലെത്തിയ എഞ്ചിനിയര്‍ സി.ജെ അനില മുഖ്യമന്ത്രിക്ക് പരാതി നല്‍കി. മുപ്പത്താറുകാരിയായ അനില ആചാരങ്ങള്‍ തെറ്റിച്ച് ശബരിമലയില്‍ പ്രവേശിച്ചുവെന്ന് ആക്ഷേപിച്ചുണ്ടായ അസഭ്യവര്‍ഷങ്ങള്‍ക്കെതിരെയാണ് പരാതി നല്‍കിയത്.

നാഷണല്‍ ഹെല്‍ത്ത് മിഷനില്‍ ചീഫ് എഞ്ചിനീയറായ അനിലക്ക് 51 വയസുണ്ട്. സന്നിധാനത്ത് നിര്‍മ്മിച്ച പുതിയ ആശുപത്രി കെട്ടിടത്തിന്റെ ഉദ്ഘാടനത്തിനാണ് അനില മന്ത്രിക്കൊപ്പം എത്തിയത്. ആശുപത്രിയുടെ നിര്‍മ്മാണ ചുമതല അനിലയ്ക്ക് ആയിരുന്നു. ഗൂഢലക്ഷ്യങ്ങള്‍ മുന്‍നിര്‍ത്തിയുള്ള പ്രചാരണങ്ങള്‍ക്കെതിരെ നിയമനടപടികളുമായി മുന്നോട്ട് പോകുമെന്നും അനില വ്യക്തമാക്കി.