രാജ്‌കോട്ട്: പാര്‍ലമെന്റിന്റെ ശീതകാല സമ്മേളനം പ്രധാനമന്ത്രി ബോധപൂര്‍വം വൈകിപ്പിക്കുന്നുവെന്ന കോണ്‍ഗ്രസ് അധ്യക്ഷ സോണിയാ ഗാന്ധിയുടെ ആരോപണത്തിന് മറുപടിയുമായി ധനമന്ത്രി അരുണ്‍ ജെയ്റ്റ്‌ലി. പാര്‍ലമെന്റ് സമ്മേളനങ്ങള്‍ മുന്‍പും വൈകിയിട്ടുണ്ട്. തെരഞ്ഞെടുപ്പുകളുമായി ബന്ധപ്പെട്ട് നേരത്തെയും പാര്‍ലമെന്റ് സമ്മേളനങ്ങള്‍ പുനഃക്രമീകരിച്ചിട്ടുണ്ടെന്നും അദ്ദേഹം വ്യക്തമാക്കി.
കോണ്‍ഗ്രസ് ഭരണ കാലത്ത് പലതവണ സമ്മേളനങ്ങള്‍ വൈകിപ്പിച്ചിട്ടുണ്ട്. ഇന്ന് പ്രതിപക്ഷമായ കോണ്‍ഗ്രസ് ഭരണത്തില്‍ ഉണ്ടായിരുന്ന 2011ല്‍ തെരഞ്ഞെടുപ്പ് പ്രചാരണത്തിനായി പാര്‍ലമെന്റ് സമ്മേളനം വൈകിപ്പിച്ചിരുന്നുവെന്നും ജെയ്റ്റ്‌ലി ചൂണ്ടിക്കാട്ടി.