മണ്ണഞ്ചേരി:പടിഞ്ഞാറെ മഹല്‍ കുന്നപ്പള്ളി ദാറുല്‍ ഉലൂം മദ്‌റസ ആന്റ് മസ്ജിദുല്‍ ബദ്‌രിയ്യ പുനര്‍നിര്‍മാണ ശിലാസ്ഥാപനവും മദ്‌റസ താല്‍ക്കാലിക കെട്ടിടത്തിന്റ ഉദ്ഘാടനവും തിങ്കളാഴ്ച നടക്കും.രാവിലെ ഏഴിന് കിഴക്കെ മഹല്‍ പ്രസിഡന്റ് പി.യു ഫസല്‍ തങ്ങള്‍ ചേലാട്  താല്‍ക്കാലിക മദ്‌റസാ കെട്ടിടത്തിന്റ ഉദ്ഘാടനം നിര്‍വഹിക്കും.
 പത്തിന് നടക്കുന്ന പൊതു സമ്മേളനത്തില്‍ പാണക്കാട് അബ്ബാസലി ശിഹാബ് തങ്ങള്‍ മദ്‌റസ ശിലാസ്ഥാപനവും അനുഗ്രഹ പ്രഭാഷണവും നടത്തും. പുനര്‍നിര്‍മാണ കമ്മിറ്റി ചെയര്‍മാന്‍ മുഹമ്മദ് റിയാസ് ചൂഴാട്ട് അധ്യക്ഷത വഹിക്കും.മഹല്‍ ഇമാം ഐ.ബി ഉസ്മാന്‍ ഫൈസി പൊതുസമ്മേളനം ഉദ്ഘാടനം ചെയ്യും.മസ്ജിദ് ഇമാം റ്റി എച്ച്.ജഅഫര്‍ മൗലവി ആമുഖ പ്രഭാഷണവും സക്കീര്‍ ഹുസൈന്‍ അല്‍അസ്ഹരി മുഖ്യ പ്രഭാഷണവും നടത്തും. മഹല്ല് പ്രസിഡന്റ് കുന്നപ്പള്ളി മജീദ് ഫണ്ട് സ്വീകരിക്കും. വിവിധ മഹല്‍ ഇമാമുമാരും ഭാരവാഹികളും പരിപാടിയില്‍ പങ്കെടുക്കും.