കോട്ടയം: എക്യുമെനിക്കല്‍ പ്രസ്ഥാനങ്ങള്‍ക്ക് വൈ.എം.സി.എ നേതൃത്വം നല്‍കണമെന്നു യാക്കോബായ സുറിയാനി സഭ കോഴിക്കോട് ഭദ്രാസനാധിപന്‍ പൗലോസ് മാര്‍ ഐറേനിയോസ് മെത്രാപ്പോലീത്ത. വൈഎംസിഎ കോട്ടയം സബ് റീജിയന്‍ പ്രവര്‍ത്തന ഉദ്ഘാടനവും കേരള റീജിയന്‍ ചെയര്‍മാന്‍ പ്രഫ. ജോയി സി. ജോര്‍ജിനു നല്കിയ സ്വീകരണസമ്മേളനവും ഉദ്ഘാടനം ചെയ്യുകയായിരുന്നു മെത്രാപ്പോലീത്ത.
റീജിയന്‍ ചെയര്‍മാന്‍ പ്രഫ. ജോയി സി. ജോര്‍ജിനു സബ് റീജിയണിന്റെ ഉപഹാരം മെത്രാപ്പോലീത്ത സമ്മാനിച്ചു. ചെയര്‍മാന്‍ അരുണ്‍ മര്‍ക്കോസ് അധ്യക്ഷനായിരുന്നു. പ്രഫ. ജോയി സി. ജോര്‍ജ് മുഖ്യപ്രഭാഷണം നടത്തി. പ്രഫ. രാജന്‍ ജോര്‍ജ് പണിക്കര്‍, ടി.എം നവീന്‍ മാണി, പി.വി ചെറിയാന്‍, ജോമി കുര്യാക്കോസ്, ലിജോ പാറേക്കുന്നുംപുറം, ജോസ് പുന്നൂസ്, ഏബ്രഹാം കുര്യന്‍, മോഹന്‍ ജോര്‍ജ് എന്നിവര്‍ സംസാരിച്ചു.