ജിദ്ദ: റിയാദില്‍ കാര്‍ മറിഞ്ഞു കോഴിക്കോട് മാവൂര്‍ സ്വദേശി മരിച്ചു.  കൂളിമാട് സ്വദേശി എടക്കാട് ഉമ്മര്‍ ആണ് മരിച്ചത്. റിയാദിലെ ബത്ഹയില്‍ കാര്‍ ഇടിച്ച് മറിഞ്ഞാണ് അപകടം. മക്കളെ സ്‌കൂളിലാക്കാന്‍ പോവുമ്പോള്‍ ആയിരുന്നു അപകടം. അപകടത്തില്‍ കാറിലുണ്ടായിരുന്ന ഉമ്മറിന്റെ മൂന്നു പെണ്‍കുട്ടികളും നിസ്സാര പരിക്കുകളോടെ രക്ഷപ്പെട്ടു. മൃതദേഹം റിയാദില്‍ ആശുപത്രിയില്‍ സൂക്ഷിച്ചിരിക്കുകയാണ്.