തിരുവനന്തപുരം: ശബരിമല സീസണ്‍ പ്രമാണിച്ച് റിസര്‍വ് ചെയ്യാത്ത സ്ലീപ്പര്‍ ടിക്കറ്റുകള്‍ വിതരണം ചെയ്യുന്നതിന് നിയന്ത്രണം ഏര്‍പ്പെടുത്തി. ഡിസംബര്‍ 15 വരെയാണ് നിയന്ത്രണം. റിസര്‍വ് ചെയ്യാത്ത സ്ലീപ്പര്‍ ടിക്കറ്റുമായി കയറുന്നവരും റിസര്‍വ് ചെയ്തവരും തമ്മില്‍ വാക്കേറ്റമുണ്ടാകുന്നത് പതിവായതിനെ തുടര്‍ന്നാണ് നടപടി.
തിരുവനന്തപുരം ഹൈദരാബാദ് ശബരി എക്‌സ്പ്രസ് (17229), തിരുവനന്തപുരം ന്യൂഡല്‍ഹി കേരള എക്‌സ്പ്രസ് (12625), തിരുവനന്തപുരം ചെന്നൈ മെയില്‍ (12624), തിരുവനന്തപുരം ചെന്നൈ സൂപ്പര്‍ ഫാസ്റ്റ് (12696), കന്യാകുമാരി ബംഗളൂരു എക്‌സ്പ്രസ് (16525) എന്നീ ട്രെയിനുകളില്‍ എറണാകുളം ടൗണ്‍വരെ മാത്രമേ റിസര്‍വ് ചെയ്യാത്ത സ്ലീപ്പര്‍ ടിക്കറ്റ് അനുവദിക്കൂ.
ബംഗളൂരു കന്യാകുമാരി എക്‌സ്പ്രസ് (16526), ഹൈദരാബാദ് തിരുവനന്തപുരം ശബരി എക്‌സ്പ്രസ് (17230), ന്യൂഡല്‍ഹി തിരുവനന്തപുരം കേരള എക്‌സ്പ്രസ് (12626) എന്നീ ട്രെയിനുകളില്‍ എറണാകുളം ടൗണ്‍ മുതല്‍ വടക്കോട്ടേക്ക് മാത്രമേ റിസര്‍വ് ചെയ്യാത്ത സ്ലീപ്പര്‍ ടിക്കറ്റ് അനുവദിക്കൂവെന്നും റെയില്‍വേ അറിയിച്ചു.