കൊല്‍ക്കത്ത: പദ്മാവതി സിനിമയെ അനുകൂലിക്കുന്ന ബംഗാള്‍ മുഖ്യമന്ത്രിക്ക് നേരെ ബി.ജെ.പി നേതാവിന്റെ ഭീഷണി.
സിനിമക്ക് ബംഗാളില്‍ പ്രദര്‍ശനത്തിന് അനുകൂല നിലപാട് സ്വീകരിച്ചാല്‍ മമതക്ക് രാമായണ കഥയില്‍ ശൂര്‍പ്പണഖക്കുണ്ടായ അനുഭവം ഉണ്ടാകുമെന്ന് ബി.ജെ.പി നേതാവ് സൂരജ് പാല്‍ ആമു.
രാജ്യത്താകമാനം പദ്മാവതി'യെക്കുറിച്ചുള്ള വിവാദങ്ങള്‍ അലയടിച്ചു കൊണ്ടിരിക്കെ സിനിമയെ ബംഗാള്‍ ഇരുകൈയ്യും നീട്ടി സ്വീകരിക്കാന്‍ ഒരുക്കമാണെന്ന് മമത ബാനര്‍ജി പറഞ്ഞിരുന്നു. ഇതിനെതിരേയാണ് അവര്‍ക്ക് ശൂര്‍പ്പണഖക്കുണ്ടായതുപോലുള്ള അനുഭവം നേരിടേണ്ടിവരുമെന്ന ഭീഷണിയുണ്ടായത്.