ഗാന്ധിനഗര്‍(കോട്ടയം): ഡോക്ടര്‍മാരുടെ വിരമിക്കല്‍ പ്രായം ഉയര്‍ത്താനുള്ള തീരുമാനത്തിനെതിരേ യുവ ഡോക്ടര്‍മാരും മെഡിക്കല്‍ വിദ്യാര്‍ഥികളും പ്രക്ഷോഭത്തിലേക്ക്.
ആരോഗ്യവിദ്യാഭ്യാസ വകുപ്പിന്റെ കീഴിലുള്ള ഡോക്ടര്‍മാര്‍ക്ക് 60 ല്‍ നിന്ന് 62 ലേക്കും പൊതു ആരോഗ്യവകുപ്പില്‍ ജോലി ചെയ്യുന്ന ഡോക്ടര്‍മാര്‍ക്ക് 56 ല്‍ നിന്നും 60 ലേക്കും വിരമിക്കല്‍ പ്രായം ഉയര്‍ത്താനാണ് സര്‍ക്കാര്‍ തീരുമാനം.
ഇത് പിന്‍വലിക്കണം എന്നാവശ്യപ്പെട്ടാണ് യുവ ഡോക്ടര്‍മാരും മെഡിക്കല്‍ വിദ്യാര്‍ഥികളും പ്രക്ഷോഭത്തിന് ഒരുങ്ങുന്നത്. ഇത് സംബന്ധിച്ച് നാളെ ചേരുന്ന കെ.എം.പി.ജി.ഐ സംസ്ഥാന കമ്മിറ്റി തീരുമാനിക്കുമെന്ന് സംസ്ഥാന സെക്രട്ടറി ഡോ. ക്രിസ്റ്റഫര്‍ ഉദയന്‍ പറഞ്ഞു.