നെയ്യാറ്റിന്‍കര: മാരായമുട്ടം പാലിയോട് കോട്ടയ്ക്കലില്‍ കഴിഞ്ഞദിവസം അനധികൃത പാറമട ഇടിഞ്ഞുവീണ് രണ്ട് തൊഴിലാളികള്‍ മരിച്ച സംഭവത്തില്‍ ക്വാറി സ്ഥിതി ചെയ്യുന്ന വസ്തുവിന്റെ ഉടമയെ നെയ്യാറ്റിന്‍കര പൊലിസ് അറസ്റ്റ് ചെയ്തു.
തിരുവനന്തപുരം നന്ദന്‍കോട് നളന്ദ ജങ്ഷനില്‍ അശ്വതിയില്‍ ഗബ്രിയേലിന്റെ മകന്‍ സുകുമാരനെ (77) ആണ് അറസ്റ്റ് ചെയ്തത്.
ക്വാറിയുടെ നടത്തിപ്പുകാരനായ പാലിയോട് സ്വദേശി അലോഷ്യസ് ഒളിവിലാണ്. ഇയാള്‍ക്കായി അന്വേഷണം ഊര്‍ജിതമാക്കിയതായി പൊലിസ് അറിയിച്ചു.