കൊല്ലം: മദ്യപിക്കാന്‍ പണം നല്‍കാത്തതിന് മാതാവിന്റെ ദേഹത്ത് ചൂടു വെള്ളമൊഴിക്കുകയും കല്ലുകൊണ്ടിടിച്ച് കൊലപ്പെടുത്തുവാനും ശ്രമിച്ച യുവാവ് പിടിയില്‍. കരവാളൂര്‍ വെഞ്ചേമ്പ് വാഴവിള ഗ്രേസിങ് വില്ലയില്‍ തോമസിന്റെ ഭാര്യ ഗ്രേസിക്കാണ് മകന്‍ രാജന്റെ ക്രൂരമര്‍ദനമേറ്റത്. കഴിഞ്ഞ ദിവസം ഉച്ചയോടെ വാര്‍ധക്യകാല പെന്‍ഷന്‍ ലഭിച്ച പണവുമായി വീട്ടിലെത്തിയ ഗ്രേസി കാപ്പിയിടുന്നതിനായി വെള്ളം തിളപ്പിക്കുമ്പോഴായിരുന്നു സംഭവം.
ഈ സമയം എത്തിയ രാജന്‍ മദ്യപിക്കാന്‍ പണം ആവശ്യപ്പെട്ടു. നല്‍കില്ലെന്ന് അറിയിച്ചതോടെ അടുപ്പത്തിരുന്ന ചൂടുവെള്ളമെടുത്ത് മാതാവിന്റെ ദേഹത്തൊഴിക്കുകയും പുറത്തിറങ്ങി കല്ലെടുത്ത് തലക്കും മുഖത്തും ഇടിക്കുകയുമായിരുന്നുവെന്ന് പൊലിസ് പറഞ്ഞു. നാട്ടുകാര്‍ വിവരമറിയിച്ചതനുസരിച്ച് പുനലൂര്‍ എസ്.ഐ രാജീവിന്റെ നേതൃത്വത്തില്‍ പൊലിസ് എത്തിയാണ് രാജനെ പിടികൂടിയത്. ഗുരുതരമായി പരുക്കേറ്റ ഗ്രേസി തിരുവനന്തപുരം മെഡിക്കല്‍ കോളജ് ആശുപത്രിയില്‍ ചികിത്സയിലാണ്. കോടതിയില്‍ ഹാജരാക്കിയ പ്രതിയെ റിമാന്‍ഡ് ചെയതു. കെ.എസ്.ടി.യു
സംസ്ഥാന സമ്മേളനം: