കോയമ്പത്തൂര്‍: കോയമ്പത്തൂരിലെ അന്നൂരില്‍ ബൈക്കില്‍ കാറിടിച്ചു മലയാളി ദമ്പതികള്‍ മരിച്ചു. ഗോപിച്ചെട്ടിപ്പാളയത്തില്‍ താമസിക്കുന്ന മലയാളി ദമ്പതികളായ ജോസഫ് ഡയസ് (40), ഭാര്യ നിത്യ (30) എന്നിവരാണ് മരിച്ചത്. ഇവര്‍ സഞ്ചരിച്ചിരുന്ന ബൈക്കില്‍ അമിതവേഗതയിലെത്തിയ കാര്‍ ഇടിക്കുകയായിരുന്നു.
നിത്യ സംഭവസ്ഥലത്തുവച്ചും ജോസഫ് ഡയസ് കോയമ്പത്തൂര്‍ മെഡിക്കല്‍ കോളജിലേക്കു കൊണ്ടുപോകുന്നതിനിടെയുമാണ് മരിച്ചത്.
ഇവര്‍ക്ക് ആറും 11ഉം വയസ് പ്രായമുള്ള രണ്ടു പെണ്‍മക്കളാണുള്ളത്. കോയമ്പത്തൂരിലേക്കു വസ്ത്രമെടുക്കാന്‍ പോകുമ്പോഴാണ് അപകടമുണ്ടായത്. കാര്‍ ഡ്രൈവര്‍ ശെന്തില്‍ കുമാറിനെ പൊലിസ് അറസ്റ്റ് ചെയ്തു.