കാബൂള്‍: ബഗ്‌ലാന്‍ പ്രവിശ്യയില്‍ താലിബാന്‍ നടത്തിയ ആക്രമണത്തില്‍ ഒന്‍പത് പൊലിസുകാര്‍ കൊല്ലപ്പെട്ടു. ശനിയാഴ്ച രാത്രിയാണ് ആക്രമണമുണ്ടായത്. ബഗ്‌ലാനേ മര്‍ക്കസി ജില്ലയിലെ മൂന്നു പൊലിസ് ചെക്ക്‌പോസ്റ്റിലാണ് ആക്രമണം നടന്നതെന്ന് ജനറല്‍ നൂര്‍ ഹബീബ് ഗുല്‍ഭാരി പറഞ്ഞു. നൂറിസ്ഥാന്‍ പ്രവിശ്യയില്‍ മറ്റൊരു ആക്രമണത്തില്‍ മൂന്നു പൊലിസുകാരും കൊല്ലപ്പെട്ടിട്ടുണ്ട്. ഇരു ആക്രമണങ്ങളിലുമായി നിരവധി പേര്‍ക്ക് പരുക്കേറ്റിട്ടുണ്ട്.