കൊണ്ടോട്ടി: കരിപ്പൂരില്‍നിന്ന് മസ്‌ക്കറ്റിലേക്ക് പുതിയ സര്‍വിസുമായി ഒമാന്‍ എയര്‍. ഡിസംബര്‍ ഒന്നുമുതലാണ് സര്‍വിസ് തുടങ്ങുക. കരിപ്പൂര്‍- മസ്‌ക്കറ്റ് സെക്ടറില്‍ ദിവസേന ഒരു സര്‍വിസാണ് ഒമാന്‍ എയര്‍ പുതുതായി നടത്തുക. രാവിലെ 7.10ന് മസ്‌ക്കറ്റില്‍നിന്ന് കരിപ്പൂരിലെത്തുന്ന വിമാനം 8.10ന് തിരിച്ചുപോകും.
നിലവില്‍ ഒമാന്‍ എയര്‍ മസ്‌ക്കറ്റിലേക്ക് ദിവസേന രണ്ട് സര്‍വിസ് നടത്തുന്നുണ്ട്. യാത്രക്കാര്‍ വര്‍ധിച്ചതിനാലാണ് സര്‍വിസ് വര്‍ധിപ്പിച്ചത്.
കരിപ്പൂരില്‍ നിലവിലുള്ള മറ്റു വിമാന കമ്പനികളും സര്‍വിസ് വര്‍ധിപ്പിക്കാനുളള ഒരുക്കംതുടങ്ങിയിട്ടുണ്ട്. നേരത്തേ വലിയ വിമാനങ്ങള്‍ക്ക് അനുമതി പിന്‍വലിച്ചതിനെ തുടര്‍ന്ന് കരിപ്പൂര്‍വിട്ട സഊദി എയര്‍ലൈന്‍സ്, എമിറേറ്റ്‌സ് എയര്‍, എയര്‍ ഇന്ത്യ, നിലവില്‍ സര്‍വിസുള്ള ഇത്തിഹാദ് എന്നിവയാണ് സര്‍വിസുമായി രംഗത്തുവരാനിരിക്കുന്നത്.