കൊണ്ടോട്ടി: സേലത്ത് ചെന്ന് ഹാദിയയെ കാണുമെന്ന് ഭര്‍ത്താവ് ഷെഫിന്‍ ജഹാന്‍. കോളജില്‍ പ്രവേശനം നേടിയ ശേഷമായിരിക്കും കാണുക. ഹാദിയയെ കാണരുതെന്ന് സുപ്രിം കോടതി ഉത്തരവില്‍ എവിടേയും പറഞ്ഞിട്ടില്ലെന്നും ഷെഫിന്‍ പറഞ്ഞു. ഹാദിയയും താനും ഒന്നാകുമെന്ന പ്രതീക്ഷയാണുള്ളതെന്നും ഷെഫിന്‍ കൂട്ടിച്ചേര്‍ത്തു.

ഡല്‍ഹിയില്‍ നിന്ന് ഇന്ന് ഉച്ചയോടെ കരിപ്പൂരില്‍ വിമാനമിറങ്ങിയ ഷെഫിന്‍ മാധ്യമങ്ങളോടാണ് ഇക്കാര്യമറിയിച്ചത്.

തനിക്ക് ഐ.എസ് ബന്ധമുണ്ടെന്ന എന്‍.ഐ.എ വാദം അടിസ്ഥാനരഹിതമാണെന്ന് ഷെഫിന്‍ വ്യക്തമാക്കി. നിയമ നടപടികളുമായി മുന്നോട്ടു പോകുമെന്നും അദ്ദേഹം കൂട്ടിച്ചേര്‍ത്തു.