റിയോ ഡി ജനീറോ: വെസ്റ്റിന്‍ഡീസിനെതിരായ മൂന്നാം ക്രിക്കറ്റ് ടെസ്റ്റില്‍ ഇന്ത്യക്ക് 237 റണ്‍സിന്റെ വമ്പന്‍ ജയം. 346 റണ്‍സിന്റെ വിജയ ലക്ഷ്യം പിന്തുടര്‍ന്ന വിന്‍ഡീസ് രണ്ടാമിന്നിങ്‌സില്‍ 108 റണ്‍സിന് തകര്‍ന്നടിയുകയായിരുന്നു. ജയത്തോടെ നാലു മത്സരങ്ങളുടെ പരമ്പര 2-0ന് സ്വന്തമാക്കാന്‍ ഇന്ത്യക്ക് സാധിച്ചു. വിന്‍ഡീസ് നിരയില്‍ ഡാരന്‍ ബ്രാവോ(59) മാത്രമാണ് പിടിച്ചു നിന്നത്. ഇന്ത്യക്ക് വേണ്ടി ഭുവനേശ്വര്‍ കുമാര്‍ മൂന്നു വിക്കറ്റെടുത്തപ്പോള്‍ ഇഷാന്ത് ശര്‍മ, രവീന്ദ്ര ജഡേജ എന്നിവര്‍ രണ്ടു വിക്കറ്റെടുത്തു.
മൂന്നാം ദിനം മഴ മൂലം നഷ്ടപ്പെട്ടിട്ടും മത്സരത്തില്‍ ജയിക്കാനായത് ഇന്ത്യക്ക് നേട്ടമാണ്. ആദ്യ ഇന്നിങ്‌സില്‍ സെഞ്ച്വറി നേടുകയും മത്സരത്തില്‍ മൂന്നു വിക്കറ്റെടുക്കുകയും ചെയ്ത രവിചന്ദ്രന്‍ അശ്വിനാണ് മത്സരത്തിലെ താരം.