കണ്ണൂര്‍: ഏഴിമല നാവിക അക്കാദമിയുടെ ആഭിമുഖ്യത്തില്‍ ഡിസംബര്‍ മൂന്നു മുതല്‍ ഏഴു വരെ ഏട്ടികുളം കടലില്‍ നടക്കുന്ന എട്ടാമത് അഡ്മിറല്‍ കപ്പിനു വേണ്ടിയുള്ള പായ് വഞ്ചിയോട്ട മത്സരത്തില്‍ 29 രാജ്യങ്ങളിലെ നാവിക ടീമുകള്‍ പങ്കെടുക്കും.
ഓസ്‌ട്രേലിയ, ബഹ്‌റൈന്‍, ബംഗ്ലാദേശ്, കാനഡ, ഈജിപ്ത്, ഫിജി, ഫ്രാന്‍സ്, ജര്‍മനി, ഇന്‍ഡോനേഷ്യാ, ഇറാന്‍, ഇസ്രാഈല്‍, ഇറ്റലി, ജപ്പാന്‍, മലേഷ്യ, മാലിദ്വീപ്, മൗറീഷ്യസ്,മ്യാന്‍മര്‍, നൈജീരിയ, ഒമാന്‍, ഖത്തര്‍, റഷ്യ, സഊദി അറേബ്യ, ശ്രീലങ്ക, യു.എ.ഇ, യു.കെ, യു.എസ്.എ, വിയറ്റ്‌നാം തുടങ്ങിയ വിദേശ ടീമുകളും ഇന്ത്യന്‍ ടീമും മത്സരത്തിനുണ്ടാകും. ആദ്യമായിട്ടാണ് ഇത്രയേറെ വിദേശ ടീമുകള്‍ മത്സരത്തിനെത്തുന്നത്. കഴിഞ്ഞ തവണ 26 വിദേശ ടീമുകളായിരുന്നു ഉണ്ടായിരുന്നത്.