റിയോ ഡി ജനീറോ: അട്ടിമറികള്‍ ഏറെ കണ്ട റിയോയിലെ ടെന്നീസ് കോര്‍ട്ടില്‍ വനിതാ സിംഗിള്‍സ് സ്വര്‍ണം പ്യുര്‍ട്ടോ റിക്കയുടെ മോണിക്ക പ്യുഗിന്. ജര്‍മനിയുടെ അഞ്ജലീക്ക് കെര്‍ബറെ അട്ടിമറിച്ചാണ് മോണിക്കയുടെ അത്ഭുത സ്വര്‍ണ നേട്ടം. ലോക റാങ്കിങില്‍ 34ാം സ്ഥാനത്തുള്ള മോണിക്കയുടെ ആദ്യ മേജര്‍ നേട്ടം കൂടിയാണിത്. ഒരു ഗ്രാന്‍ഡ് സ്ലാമിന്റെ പ്രീ ക്വാര്‍ട്ടറിനപ്പുറത്തേക്ക് ഇതുവരെ പോകാന്‍ സാധിച്ചിട്ടില്ലാത്ത മോണിക്ക ഫൈനലില്‍ 6-4, 4-6, 6-1 എന്ന സ്‌കോറിനാണ് വിജയിച്ചത്. കെര്‍ബറിനു വെള്ളിയും ചെക്ക് റിപ്പബ്ലിക്കിന്റെ പെട്ര ക്വിറ്റോവ വെങ്കലവും നേടി. പ്യുര്‍ട്ടോ റിക്കക്കായി ഒളിംപിക്‌സില്‍ മെഡല്‍ നേടുന്ന ആദ്യ താരമായും മോണിക്ക ഇതോടെ മാറി.